|
Intro: .........
Che bbiento, che bboira chi mena; Ra la finestra ‘nna rosa è caruta. La nenna mia se n’è partuta; E cchiù no torna, chi sape addò sta!?!
È Triste pe me sta iornata; Sulo lo cielo me fa compagnia. Chiange lo core, e la vita mia; priesto se strure, priesto adda finì!
M’affaccio, e co l’acqua chi care; Lo chianto mio tutto se confonne. La rosa mia certo se ‘nfonne; Si no c’è casa addo po’ reparà!
Auciello ca chiano te puosi, ‘Ngoppa a ssa frasca re cerza fronnosa. Tu puro suoffri? Rimmi ‘nna cosa, Fatti vicino, te voglio parlà.
Ha visto, volanno, volanno; Ddoe trezze nere, ddui uocchi re stella? ‘Nna vocca rossa, ‘nna facci bella? Tu no rispunni, ma a chi aggia parlà?
Ah! S’io tenesse s’ascelle; Non m’emportasse re l’acqua e lo viento! Mille e cchiù bbuoli, mille cchiù ciento; Facesse, sì, puro re la trovà!
E canta, ammagaro consola; St’anima mia ca vive re pene! Pecchè la rosa mia cchiù no bbene? Oggi fa n’anno ca manca ra qua!
Aunimmo, cantanno le bboci; E confunnimmo quisto triste canto! Aunimmo ‘nzieme puro lo chianto; Forte co l’acqua ca scenne, ca va!
|